Испания кубоги 1/16 финал босқичи доирасида "Алькояно" - "Реал" учрашуви бўлиб ўтди. Унда мезбонлар 2:1 ҳисобида ғалаба қозонди.
Дастлаб, биринчи тайм сўнгида Эдер Милитао жамоасини ҳисобда олдинга олиб чиқди. Марселонинг узатмасини яна бир бразилиялик дарвозага йўллади. Ушбу голдан кейин бироз хотиржамликка берилган мадридликлар 80-дақиқада ўз дарвозасидан тўп олиб чиқди. Гол муаллифи Хосе Сольбес.
Асосий вақтда ғолиб номи аниқланмагач, ҳакам қўшимча бўлимларга мурожаат қилди. Меҳмонлар устози захирадан ўзи ишонган шогирдларини майдонга ташлаганига қарамай, мезбонлар рақиб дарвозасини 115-дақиқада иккинчи бор аниқ нишонга олди ва якунда ғалабани тантана қилди.
Шу тариқа, "Реал" ўз юришини 1/16 финал босқичида тўхтатишга мажбур бўлди. Маълумот учун, "Алькояно" клуби Б Сегундада иштирок этади. Ушбу лига Испанияда тартиби бўйича 3-ўринда туради.
Алькояно – Реал Мадрид 2:1
Голлар: 0:1 – 45 Милитао, 1:1 – 80 Солбес, 2:1 – 115 Хуанан.
Алькояно – Фигерас, Хуанан, Карбонел (Молто, 60), Анхель Лопес, Рубио (Рамон Лопес, 72), Феррис, Рауль, Ньигес (Диаките, 78), Санчес (Серда, 60), Мурад (Антон, 105), Мехия (Солбес, 60).
Реал Мадрид – Лунин, Марсело, Одриосола (Азар, 98), Виктор Чуст, Милитао, Иско (Кроос, 98), Каземиро, Васкес, Вальверде, Винисиус Жуниор (Асенсио, 90), Мариано Диас (Бензема, 67).
Огоҳлантириш: Санчес (32), Хуанан (34), Мариано Диас (58), Одриосола (78), Феррис (90), Рамон Лопес (103), Лунин (116).
Четлатиш: Рамон Лопес (110).
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
