15:06 / 29.01.2021
1 914

Хорижлик яна бир футболчи Ўзбекистон миллий терма жамоасида ўйнаши мумкин

Хорижлик яна бир футболчи Ўзбекистон миллий терма жамоасида ўйнаши мумкин
"Пахтакор" клуби аъзоси Драган Черан Ўзбекистон миллий терма жамоасида ўйнаши мумкин. Сербиялик футболчи юртимизга 2016 йилнинг ёзида келганди.

2016-2018 йиллар "Насаф"да тўп тепган Черан 2018 йилнинг ёзидан ҳозирги кунга қадар "Пахтакор"да фаолиятини давом эттирмоқда. Шу йили ёзда Драганнинг Ўзбекистонда ўйнаётганига 5 йил бўлади. Бу эса, ФИФА қоидаларига мос келади, яъни легионер бошқа мамлакатда камида 5 йил яшаган бўлиши лозим.

Вадим Абрамов 2019 йили миллий терма жамоада Игорь Голбан ва Драган Черанни кўришни исташини айтиб ўтганди. Ўтган йили Голбан Ўзбекистон фуқаролигини олди ва терма жамоада ўйнашни бошлади.

Агарда Драган Черан ҳам истаса, Ўзбекистон миллий терма жамоасида ўйнаши мумкин. Аммо шуни унитмаслик керакки, у пайтга келиб Драганнинг ёши 34 да бўлади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Хорижлик яна бир футболчи Ўзбекистон миллий терма жамоасида ўйнаши мумкин