Дилшодбек Рўзметов "Странжа" турнири финалига чиқди

Болгарияда давом этаётган “Странжа” турнирининг ярим финал баҳсида яна бир юртдошимиз ўз жангини ўтказди. -81 кг вазн тоифасида турнирда иштирок этаётган Дилшодбек Рўзметов украиналик Максим Коцга қарши рингга кўтарилди.

Дастлабки раундлардан устунликни ўз қўлига олган ҳамюртимиз ҳакамларнинг якдил қарорига кўра, 5:0 ҳисобида зафар қучди ва финалга йўл олди.

Уни финалда россиялик “панчер” Руслан Колесников кутиб турибди. Мазкур ҳал қилувчи жангда ҳам юртдошимизга омад ёр бўлишини тилаб қоламиз! «Замин»ни Telegram’да ўқинг!