18:28 / 01.03.2021
903

Леннокс Льюис Майк Тайсон билан жанг қилиш учун рингга қайтишини айтди

Леннокс Льюис Майк Тайсон билан жанг қилиш учун рингга қайтишини айтди
Леннокс Льюис ва Майк Тайсон / Фото: Getty Images
Бокс бўйича собиқ мутлақ жаҳон чемпиони Леннокс Льюис ўзининг рингга қайтиши эҳтимоли тўғрисида гапирди. У Майк Тайсон билан жанг ўтказишни муҳокама қилишга тайёрлигини айтди.

"Агар омма ушбу жангни истаса, балки буни муҳокама қилармиз. Аслида ҳозирда мени рингга қайтишга мажбур қиладиган ҳеч нарса йўқ. Одамлар бу жангни кўришни истармикин, буни билмайман", - дея Льюиснинг сўзларидан иқтибос келтирмоқда TMZ Sports.

Эслатиб ўтамиз, Льюис 2002 йилда Тайсонни нокаутга учратганди.

Ўтган йил ноябрда 54 ёшли Майк Тайсон ва 4та вазн тоифасида собиқ жаҳон чемпиони Рой Жонс ўртасида кўргазмали бокс жанги бўлиб ўтди. Жанг дуранг натижа билан якунланди.

Маълумот берилишича, Майк Тайсон ва Рой Жонс ўртасидаги жангнинг пуллик трансляциялари сони бир миллиондан ошган. Ушбу жанг ташкилотчиларга 50 миллион доллардан ортиқ даромад келтирган.

Леннокс Льюис Майк Тайсон

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Леннокс Льюис Майк Тайсон билан жанг қилиш учун рингга қайтишини айтди