11:44 / 05.03.2021
744

Тайсон Фьюри ва Энтони Жошуа жанг шартномаси бўйича келишувга эришди

Тайсон Фьюри ва Энтони Жошуа жанг шартномаси бўйича келишувга эришди
Фото: Twitter
Бокс бўйича оғир вазн тоифасида WBA, IBF ва WBO чемпионлик камарлари соҳиби Энтони Жошуа (24-1, 22 КО) ва WBC йўналиши чемпиони Тайсон Фьюри (30-0, 21 КО) ўртасидаги жанг шартномаси имзоланди. Бу ҳақда Top Rank промоутерлик компаниясининг раҳбари Боб Арум маълум қилди.

Арумнинг сўзларига кўра барча ташкилий масалалар ҳал қилинган. Айни вақтда томонлар барча шартномаларни имзоламоқда ва яқин орада жанг ҳақида расмий маълумот берилади.

Аввалроқ жангни 2021 йилнинг июнь ойида ўтказиш режа қилинаётгани ва иккала боксчи 100 миллион доллардан гонорарга эга бўлиши айтилганди.

Эслатиб ўтамиз, 2020 йилда оғир вазн тоифаси етакчилари 2021 йилда иккита жанг ўтказиш борасида келишувга эришганди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Тайсон Фьюри ва Энтони Жошуа жанг шартномаси бўйича келишувга эришди