08:00 / 20.03.2021

Шомуродов ўрнига майдонга тушган футболчи "Женоа"га ғалаба олиб келди

Италия А Серияси 28-турида "Женоа" "Парма" меҳмони бўлди ва иродали ғалабани (1:2) қўлга киритди.

Ўйин пармаликлар устунлигида бошланди. 16-дақиқада Грациано Пелле "қайчи" услубида гол киритиб, "Парма"ни олдинга олиб чиқди. Биринчи таймда дарвозаларга бошқа гол киритилмади. Иккинчи таймда генуяликлар бош мураббийи Элдор Шомуродовни захирага олди ва унинг ўрнига Жанлука Скамаккани майдонга туширди. Аввалига 50-дақиқада Скамакка ҳисобни тенглаштирди, 70-дақиқада эса ҳужумчи жамоасига ғалаба олиб келувчи гол муаллифи бўлди.

Ушбу ғалабадан сўнг "Женоа" 28 ўйиндан сўнг 31 очко тўплаб 13-ўринга кўтарилиб олди, "Парма" эса 19 очко билан 19-поғонада қолди.

"Парма" - "Женоа" 1:2
Голлар: Пелле (16, 1:0), Скамакка (50, 1:1), Скамакка (69, 1:2).
Парма – Сепе, Осорио, Конти, Пеццелла (Бюси, 79), Бани (Гальоло, 71), Куцка, Бругман (Эрнани, 79), Ман, Куртич (Зиркзее, 79), Карамо (Михэилэ, 64), Пелле.
Женоа – Перин, Дзаппакоста, Масьелло, Кришито, Чиборра (Пьяца, 46), Бадель, Радованович, Зайц, Стротман (Бираски, 68), Дестро (Бехрами, 64), Шомуродов (Скамакка, 46).
Огоҳлантириш: Бани (19), Пеццелла (57), Пелле (71), Радованович (72), Бругман (78), Бираски (84).