Терма жамоамиз ўртоқлик ўйинида ғалаба қозонди (видео)

Осиё кубоги-2022 саралаш баҳсларига тайёргарлик кўраётган Ўзбекистон аёллар терма жамоаси муҳим ўйинлар олдидан бир қатор ўртоқлик ўйинлари ўтказишни режалаштирган.

Ана шундай ўртоқлик баҳсларидан бири бугун Олмалиқ шаҳридаги ОКМК стадионида Ҳиндистон терма жамоасига қарши бўлиб ўтди. Ўйин Баҳром Норсафаров шогирдларининг 1:0 ҳисобидаги ғалабаси билан якунланди. Шу куни терма жамоамиз сафида ягона голни 87-дақиқада Мафтуна Шойимова киритди.

pic.twitter.com/4k93JgyXFd
— Shukhrat (@bankir2102) April 5, 2021

Аёллар терма жамоамиз навбатдаги ўртоқлик учрашувини 11 апрель куни Беларусь терма жамоасига қарши ўтказади. Ушбу ўйинларга жами 23 нафар футболчи жалб этилган.

Ўртоқлик учрашуви
Ўзбекистон - Ҳиндистон 1:0
Гол: Мафтуна Шойимова (87)
Ўзбекистон: Тиловова, Шодиева, Норбекова, Зарипова, Илашева, Зоирова, Камолтоева (Зайниддинова 58, Шарипова 77), Шойимова, Бурхонова, Қудратова, Хабибуллаева (А. Норбоева 90).