Европа Чемпионлар Лигаси ярим финал босқичидан ўрин олган "Манчестер Сити" ва ПСЖ жамоалари ўртасидаги жавоб учрашуви ўз якунига етди. Унда майдон эгалари 2:0 ҳисобида ғалаба қозонди.
Ўйин тақдирини "шаҳарликлар" футболчиси Рияд Махрезнинг дубли ҳал этди. Жазоирлик футболчи 11-дақиқада ҳисобни очган бўлса, 63-дақиқада жамоасининг ишончли ҳисобдаги ғалабасини таъминлаган гол муаллифига айланди.
Шу тариқа, "Манчестер Сити" ўз тарихида илк бор финалга чиқди. Уларнинг рақиби "Челси" ҳамда "Реал" клублари ўртасидаги ўйинда аниқланади.
"Манчестер Сити" – ПСЖ 2:0
4 май, "Этихад Стэдиум"
Голлар: 1:0 – 11 Марез, 2:0 – 63 Марез.
"Манчестер Сити" – Эдерсон, Уокер, Рубен Диаш, Стоунз, Зинченко, де Брюйне (Габриэл Жезус, 82), Гюндоган, Фоден (Агуэро, 85), Фернандиньо, Марез, Бернарду Силва (Стерлинг, 82).
ПСЖ – Навас, Флоренци (Дагба, 75), Кимпембе, Диалло (Баккер, 82), Маркиньос, Ди Мария, Эррера (Дракслер, 62), Паредес (Данилу Перейра, 75), Верратти, Икарди (Кин, 62), Неймар.
Огоҳлантиришлар: Эррера (22), Зинченко (71), Верратти (71), де Брюйне (74), Кимпембе (87), Данилу Перейра (89).
Четлатиш: Ди Мария (69).
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
