Тунда УЕФА Чемпионлар Лигаси ярим финалининг сўнгги ўйини бўлиб ўтди ва унда "Челси" "Реал"ни таслим этиб, финал йўлланмасини қўлга киритди. Ушбу учрашув ҳақида таниқли спорт журналисти ва шарҳловчиси Даврон Файзиев ўз "Телеграм" каналида қуйидагича пост қолдирди:
"Челси". Менди энг оғир вазиятларда қутқарди. Учта ҳимоячи Бенземани тўхтатди ва Азарга ўйин бермади. Марказда Жоржиньо ва Канте Модрич-Кроосдан тезроқ ўйнади. Маунт эса Каземирони ҳимояда вазифалар билан юклаб ташлади. "Реал" қанотга чиқарилди. Иккинчи қаватни эса "Челси" ютиб чиқди. Ҳимоя-ҳужум-ҳимоя маршрутини "Челси" яхшироқ босиб ўтди. Хаверц ва Вернер жой алмашиб чалғитишди. Тухелнинг энг катта иши "Реал"ни бўшлиқдан маҳрум қилди. Чизиқларни ажратиб ташлади ва бўлинганларни еб ташлади. Майда фол тактикасини самарали ишлатди. 90 дақиқа прессинг қилди. Юксак жисмоний ҳолат намойиш этди.
"Реал". Рамос жароҳат билан ўйнагани сезилди. Плюс 1-таймда сариқ олиб уёғига эҳтиёт бўлди. "Реал" ҳеч қўлламаган услубда ўйнади. Марказий ҳимояда 3 футболчи. Фаол қанотлар ишламади. Менди ҳужумда, Винисиус эса ҳимояда ёрдам беролмади. 3 марказий ҳимоячи билан ўйнаганда керак пайт яна иккита қўшилиб, 5 тага айланади. Бироқ, Реал айнан 3 ҳимоячи билан ўйнади, улар ҳам жуда секин харакат қилишди.
Каземиро Маунтга бас келолмади. Модричда тезлик, Кроосда эса кескинлаштирувчи паслар оқсади. Азар ўз имкониятининг ярмини ҳам кўсатмади. Уни майдонда пайтидаёқ ўйиндан чиқариб юборишди. Бензема уч ҳимоячига қарши курашди. Қанотдан ёрдам келмади. Шунда ҳам иккита вазият қилди. "Реал" сафида ярим финал натижасига кўра бош эгмаган ягона футболчи.
Баъзида ярим финаллар драмага айланади. Охирида жанжаллар чиқади. Томошабинлар ҳам анча вақтгача эмоцияни боса олишмайди. Лекин бу сафар "Реал"нинг кўплаб адекват мухлислари ҳам шунчаки "Челси" яхшироқ ўйнаганини тан олишди. Икки муносиб жамоанинг тўқнашуви ва аристократча якун", - деб ёзиб қолдирди Файзиев. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Велосипедда сайр қилиш учун 3 сабаб: ёшартиради, оздиради ва умрни узайтиради
Мария Захарова украиналикларни Америка ҳиндуларига ўхшатди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Россия дунёдаги биринчи водород ёқилғили автомобилни тақдим этди
“Толибон” Афғонистоннинг Хост вилоятида беш нафар фуқарони қамчи билан жазолади
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
