WhoScored портали “Женоа” – “Аталанта” учрашувидан кейин футболчиларни баҳолади

А Серия 37-туридан ўрин олган “Женоа” – “Аталанта” баҳсида бергамоликлар 4:3 ҳисобида ғалабага эришди.

WhoScored портали мазкур баҳсдаги футболчиларнинг ҳаракатини баҳолади. Унга кўра, голлардан бирига муаллифлик қилган Руслан Малиновский энг юқори балл (8,8)га лойиқ кўрилган бўлса, жамоадоши Дуван Сапата 8,4 балл билан баҳоланди.

Захирадан ўйинга қўшилиб, дублни расмийлаштирган Элдор Шомуродов эса “Женоа”нинг энг яхши футболчиси бўлди – 8 балл.