"Насаф" футболчиси йирик ҳисобдаги ғалабадан сўнг: Фақат мени ажратиб кўрсатиш нотўғри бўлади

"Насаф" ОФК Кубоги “Ф” гуруҳи 2-турида Тожикистоннинг “Хўжанд” жамоаси билан куч синашди ва якунда 3:0 ҳисобида ғалаба қозонди.

Ушбу учрашувда ҳам гол ҳам голли узатмани амалга оширган Шерзод Насруллаев бўлиб ўтган ўйин ҳақида ўз фикрлари билан бўлишди. Бу ҳақда клуб матбуот хизмати хабар берди.

- Aвваламбор, барча мухлисларимизни ғалаба билан табриклайман. Учрашув ҳақида гапирадиган бўлсам, биз рақибимизни яхшилаб ўрганиб, шунга яраша тайёргарлик кўрган эдик. Барчамиз ўзимизга берилган кўрсатмаларни тўлиқ бажаришга ҳаракат қилдик ва якунда керакли натижага эришдик.

- Сиз бўлиб ўтган икки учрашувда учта голли узатма ва бир маротаба рақиб дарвозасига гор уришга эришдингиз. Бу ҳақида ҳам ўз фикрларингиз билан бўлишсангиз?
- Фақат мени ажратиб кўрсатиш нотўғри бўлади. Бу ерда жамоадошларимнинг ҳам меҳнати катта. Лекин бу натижадан хурсандман ва майдондаги ҳаракатларим билан жамоамга фойдам текканидан мамнунман. «Замин» янгиликларини «Вконтакти»да кузатиб боринг