Қозоғистонлик жаҳон чемпиони: Баҳодир Жалоловдан бошқа барча ўзбек боксчиларини тўхтатиш мумкин

Бирлашган Араб Амирликларининг Дубай шаҳрида бошланган Осиё чемпионатида энг кучли икки терма жамоа – Ўзбекистон ва Қозоғистон боксчиларининг ўзаро рақобати кўп таҳлил қилинмоқда. Қозоғистонлик боксчи, профессионал бокс бўйича IBA йўналишида жаҳон чемпиони бўлган Марат Мазимбаев ҳар икки мамлакат чарм қўлқоп усталари агар ўзаро тўқнаш келса, қандай натижа қайд этилиши бўйича уларнинг имкониятларини солиштириб чиқди.

- Ўзбек боксчилари ҳозир кўтарилиб бормоқда. Олимпия ўйинлари ва жаҳон чемпионатларидаги натижалар шуни кўрсатиб турибди. Уларнинг таркиби кучли, олимпия ва жаҳон чемпионлари бор. Осиё чемпионатидаги асосий рақобатчиларимиз ҳам айнан ўзбекистонлик қўшниларимиздир. Лекин уларни улар билан  боксчиларимизнинг савияси тенг ва уларни ютиш мумкин. Бизнинг ҳар бир боксчимиз ҳам, ўзбекистонликлар ҳам олтин медалга даъвогарлик қилаётган экан, албатта, улар кўп бора ўзаро тўқнаш келишади. Балки финалгача ҳам жангларда куч синашар. Осиёда бокс ривожланмоқда, ўрта вазнларда филиппинликлар, енгил вазнда таиландлик, япониялик, ҳиндистонлик, кореялик чарм қўлқоп усталарини ҳам енгиш осон бўлмайди,  - деди Марат Мазимбаев.

49 кг. Даниёл Собит – Нодир Мирзаҳмедов
Бу икки боксчи яқинда Санкт-Петербургдаги турнирда учрашиши кутилганди. Бизнинг боксчимиз россияликка ярим финалда ютқазиб қўйди, ўзбекистонлик боксчи эса мезбонлар вакилини енгди. Уларнинг финалдаги баҳсини кўролмади. Менимча, бу рақобатда ўзбекистонлик боксчининг имконияти баландроқ.

52 кг. Сакен Бибосинов – Шаҳобиддин Зоиров
Зоиров  олимпия чемпиони. Сакен жаҳон чемпионати совриндори. Агар жанг тенгма-тенг бўлса, ҳакамлар олимпия чемпионини танлаши мумкин.
 
56 кг. Собирхон Маҳмуд – Миразизбек Мирзахалилов
Собирхонни 56 килограммга қўйишди. Бу жуда салоҳиятли боксчи ва у ғалаба қозониши керак. Ёш, кучга тўлган пайти ва зўр формада. Ўйлашимча Собирхон олтин медаль олади.
Мазимбаев мақтаган боксчи биринчи жангдаёқ рақибига имкониятни бой берди.

60 кг. Серик Темиржанов – Абдумалик Ҳалаков
Темиржановнинг асл вазни 57 килограмм. Уни 60 килода туширишяпти. Бу унга мос вазн ва ўйлашимча, ғалаба у томонда бўлади.
Мазимбаев ушбу рақобатда ўз ҳамюртининг имкониятини юқори баҳолаган эди. Бироқ, биринчи даврада Темиржанов эронлик Дониёл Шоҳбахшга ютқазиб қўйди. Абдумалик Ҳалаков эса, биринчи уринишдаёқ лаослик рақибини катта устунликда енгди.

64 кг. Зокир Сафиуллин – Элнур Абдураимов
Уларнинг ўзаро учрашувида 3:2 ҳисобидаги устунлик ўзбек боксчиси томонида. Ҳозир имконият 50-50. Буёғини жанг кўрсатади. Мен уларнинг Иорданиядаги жагини кўрганман. Зарбалар кўп бўлган, ғалаба Элнурга берилганди. Бу ерда имкониятлар тенг.

69 кг. Абилайхан Жусупов – Бобо-Усмон Ботуров
Яқинда бизнинг боксчимиз Асланбек Шимбергенов Ботуровни енгди. Ҳаммаси Абилайханнинг ўзига боғлиқ. Агар формаси яхши бўлса, тўғри жанг ўтказса, ютиши керак.

75 кг. Абилхан Аманқул – Саиджамшид Жаъфаров
Абилхан ғолиб чиқишига ишонаман.

81 кг. Бекзод Нурдаулетов – Дилшодбек Рўзметов
Улар жаҳон чемпионати финалида тўқнаш келганди ва Бекзод зафар қучган. Ҳозир унинг ишончи ортган ва яна ютиши керак.

91 кг. Василий Левит – Санжур Турсунов
Левит бу рақибини доим мағлуб қилган. Ҳаммаси Василийнинг қўлида. Муҳими, жангга тўғри тайёрлашниш. Агар бирор нарса халақит қилмаса, бу гал ҳам қўли баланд келади.

+91 кг. Камшибек Кўнкабаев – Баҳодир Жалолов
Жалолов жаҳон чемпиони. Имкониятлар 55 га 45 ўзбекистонлик боксчи фойдасига.

Умуман олганда, Марат Мазимбаев Осиё чемпионатида қозоғистонликлар 10 та олтин медалдан олтитасини олишига ишонмоқда. Буёғини эса вақт кўрсатади. Биринчи кунги жанглардан сўнг, қозоғистонликлардан  Серик Темиржанов ва Собирхон Маҳмуд мусобақани тарк этди. Зокир Сафиуллин ва Абилхан Аманқул ғалаба қозонди. Ўзбекистон терма жамоаси аъзоларидан Абдумалик Ҳалаков, Саджамшид Жаъфаров илк жангни ўз фойдасига ҳал қилди. “Замин” янгиликларини “Инстаграм”да кузатиб боринг