ПСЖ президенти: "Лионель Мессининг бизга қўшилганидан бахтлиман"

ПСЖ президенти Носир Ал Хелайфи клуб расмий сайтига берган интервьюсида Лионель Мессининг трансфери ҳақида гапирди.

Унинг сўзларига кўра, у бундай футболчининг "Пари Сен-Жермен"га ўтишга қарор қилганидан жуда ҳам мамнун.

Месси ҳам, клуб ҳам энг юқори даражадаги совринлар ютиш хоҳишини билдиришган. Аргентиналикнинг трансфери клуб учун одатий бўлиб қолган жаҳон даражасидаги ижрочиларнинг хариди давомидир.

Носир Ал Хелайфи шунингдек қўшимча қилдики, у Маурисио Почеттино ва унинг ёрдамчилари футбол тарихига киришини сабрсизлик билан кутмоқда.