Месси: Бу Почеттинонинг муаммоси

ПСЖ ҳужумчиси Лионель Месси янги жамоасида қайси позицияда тўп суришини ҳозирча билмаслигини айтди.

“ПСЖга ўтишдан олдин мен Почеттино билан гаплашганман. Маурисио менинг трансферимни орзиқиб кутаётганини айтди. Аммо биз тактика ҳақида гаплашмадик. Шу боис, майдонда қандай позицияни эгаллашимни билмайман. Бу мураббийнинг муаммоси. Ўйлайманки, ҳамма мослаша олади", - деди 34 ёшли аргентиналик футболчи.

Мессининг Париж грандига ўтгани шу ҳафта бошида эълон қилинди. Лео клуб билан “2+1” кўринишида шартнома имзолади.Аргентиналик тўпурар ПСЖда 30-рақамда ўйнайди.