13:30 / 22.08.2021
1 205

Саидёқуб Қаҳрамонов UFC’даги дебют жангида муддатидан аввал ғалаба қозонди

Саидёқуб Қаҳрамонов UFC’даги дебют жангида муддатидан аввал ғалаба қозонди
АҚШнинг Лас-Вегас шаҳрида Тошкент вақти билан 22 август тонгида UFC on ESPN 29 мусобақаси бўлиб ўтди. Ушбу MMA оқшомида ўзбекистонлик яккакурашчи Саидёқуб Қаҳрамонов (9-2) ўз дебютини ўтказди. Унга Гуам вакили Тревин Жонс (13-7) рақиб бўлди.

Жанг Саидёқубнинг устунлигида ўтди. Учинчи раунд сўнгида Қаҳрамонов рақибига бўғиш усулини қўллаб, Жонсни таслим этди. Шу тариқа ўзбекистонлик яккакурашчи UFC’даги дебютини ғалаба билан бошлади.

Жанг видеосини бу ерда томоша қилиш мумкин — видео

Қаҳрамонов UFC’да жанг қилган тўртинчи ўзбекистонлик бўлади. Айни вақтда Маҳмуд Муродов, Заррух Адашев ва Лилия Шокирова ушбу промоушенда ҳаракат қилмоқда.

Саидёқуб Қаҳрамонов 1995 йилнинг 14 ноябрида Самарқандда туғилган. Ушбу беллашувга қадар спортчи профессионал MMA’да ўнта жанг ўтказиб, уларнинг 8 тасида ғолиб бўлган ва иккита жангда ютқазган. Мағлубиятларидан бирини ҳозирда UFC’да иштирок этаётган Умар Нурмагомедовдан қабул қилиб олган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Саидёқуб Қаҳрамонов UFC’даги дебют жангида муддатидан аввал ғалаба қозонди
[/banner_pushhouse