Хабарингиз бор, Қаршининг "Насаф" жамоаси 5 ноябрь куни ОФК кубоги финалида Баҳрайнда "Ал Муҳаррак"га қарши майдонга чиқади.
"Аждарлар" тарихни такрорлашга жуда яқин туришибди. Бундан роппа-роса 10 йил аввал жамоа Анатолий Демьяненко мураббийлигида ОФК кубогини боши узра баланд кўтарганди. Ўша юлдузли таркибда ёрқин ўйинлар ўтказганлардан бири Иван Бошкович ҳисобланади. Бугунги кунда "Бунёдкор" академиясида болаларга мураббийлик қилаётган Бошкович финалдан олдин фикрлари билан ўртоқлашди.
"Умумий қилиб айтсам "Насаф"дан финалда фақат ғалаба кутаман. Ғолиб номи битта ўйинда аниқланади. Футболчиларнинг маҳорати ва сифати бўйича устунлик улар томонида, деб ўйлайман", - дейди Бошкович.
Гуруҳ босқичидан кейин барча учрашувларни ўз майдонида ўтказган "Насаф" эндиликда меҳмонда тўп тепади. Бошкович бу борада нима дейди?
"Сафарда тўп тепиш доим қийин бўлган. "Насаф"га осон бўлмаслиги аниқ. Лекин бу - футбол. Унда ҳамма нарса рўй бериши мумкин", - дейди мураббий.
Битта баҳсдан иборат учрашувларда қайси жамоа тайёргарликни яхши ўтагани асосий планга чиқади. Битта хато ҳам қимматга тушиши ёки ўйин тақдирини ҳал қилиши ҳеч гап эмас. Иван Бошкович ҳам фикримизга қўшилган ҳолда қуйидагича фикрларини билдирди.
"Энг муҳими жисмоний ва руҳий томондан яхши тайёргарлик кўришдир. Бундай ўйинларда диққат-эътиборли бўлиш энг юқори даражага чиқади. "Насаф"га бу борада омад тилайман".
Эслатиб ўтамиз Рўзиқул Бердиев шогирдлари финалга қадар гуруҳ босқичида "Олой", "Хўжанд", "Олтин аср", кейинги босқичда "Аҳал", "Моҳун Баган", "Ли Ман" каби жамоалар тўсиғини енгиб ўтди. "Насаф" жамоасига бош совринни юртимизга олиб келишига тилакдошмиз!
Абдулазиз Искандаров
“Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Путин россияликларга мурожаат қилди: “Барча режалаштирилган мақсадларга эришилади”
Микротўлқинли печда овқат иситиш соғлиқ учун зарарлими?
Байден Исроилнинг Эрон ядровий иншоотларига зарба беришини қўллаб-қувватламаслигини билдирди
Селена Гомес ўзининг миллиардерлик мақомига муносабат билдирди
Ҳусийлар Тель Авивнинг чекка ҳудудларига ҳужум қилди
Песков: Махсус ҳарбий операция Россия мақсадларига эришиш билан якунланиши керак
Россия армияси Украинанинг «қалъа шаҳри» Вуҳледарни эгаллади
ҲАМАС Тель-Авивдаги теракт учун масъулиятни ўз зиммасига олди
