Бокс бўйича ЖЧ. Мадияр Саидраҳимов яримфиналда!

^{Фото: Ўзбекистон бокс федерацияси}
Белградда ўтаётган бокс бўйича жаҳон чемпионатида чоракфинал баҳслари якунланди.

-92 кг вазнда ўзбекистонлик Мадияр Саидраҳимов британиялик Льюис Уильямсга қарши рингга кўтарилиб, 5:0 ҳисобида ғалаба қозонди ва яримфиналга йўл олди.

Саидраҳимов финалга чиқиш учун 4 карра жаҳон ва 2 карра Олимпиада чемпиони, кубалик Хулио Сезар Ла Круз билан тўқнаш келади.

Шундай қилиб, турнирга 13 боксчи билан борган Ўзбекистон терма жамоасининг фақат 2 нафар вакили яримфиналга чиқиб, медални нақд қилди. Бунгача -60 кг вазнда Абдумалик Ҳалоков ҳам чоракфиналдан муваффақиятли ўтганди. “Замин” янгиликларини “Telegram”да кузатиб боринг