Хави «Барса»да кимларни кўришни хоҳлаши маълум бўлди

Испаниялик собиқ футболчи, «Барселона» бош мураббийи бўлиши кутилаётган Хави клуб раҳбариятига жамоа таркибини кучайтирадиган футболчилар номини айтган. Бу ҳақда El Nacional хабар берди.

Қайд этилишича, 41 ёшли мутахассис ҳужумчи Эрлинг Ҳоланд («Боруссия» Д), ярим ҳимоячилар Поль Погба («МЮ») ва Дани Ольмо («Лейпциг»), ҳимоячи Жюль Кундени («Севилья») жамоага олиб келишни истайди.