"Бунёдкор" - "Қизилқум" учрашувида ҳакам пенальтини хато белгилаган! (видео)

27 октбярь куни Ўзбекистон футбол ассоциациясида ҳакамлар ва ОАВ иштирокида семинар бўлиб ўтган эди. Унда ички чемпионатимиздаги баҳсли вазиятлар ўша ўйинларда ишлаган реферилар ва мутахассислар томонидан кўриб чиқилди.

Бу сафар Ўзбекистон Суперлигаси 24-тури доирасидаги "Бунёдкор" - "Қизилқум" ҳамда АГМК - "Андижон" учрашувларидаги вазиятлар юзасидан ҳакамлар бўлими мутахассиси, инструктор Бахтиёр Тагаев томонидан таҳлил қилиб берилди.

Унга кўра, Тошкентда бўлиб ўтган беллашувда белгиланган биринчи пенальти нотўғри эканлиги тасдиқланди.