Ўзбекистонга меҳнат мигрантларининг пул ўтказмалари ҳажми 2021 йил якунига келиб қарийб 7,6 миллиард долларни ташкил этиши кутилмоқда. Бу ҳақда Жаҳон банкининг Миграция ва ривожланиш масалалари бўйича ҳисоботига таяниб, Spot хабар бермоқда.
Таққослаш учун 2020 йил давомида мигрантлар Ўзбекистонга 6 миллиард доллар ўтказган.
Фото: Жаҳон банки
Жаҳон банки ҳисоб-китобларига кўра, 2021 йилда хориждан пул ўтказмалари мамлакат ЯИМнинг 11,6 фозига тўғри келиши кутилмоқда. Қўшни мамлакатлардан бу кўрсаткич фақат Қирғизистон ва Тожикистонда юқори — ЯИМнинг 26 фоизидан ортиқ.
Умуман олганда, дунё бўйича ривожланаётган давлатларда меҳнат мигрантларининг пул ўтказмалари 2021 йилда 589 миллиард долларни ташкил этди. Бу 2020 йилга нисбатан 7,3 фоизга кўп. Пул ўтказмалари ҳажми кетма-кет иккинчи йил тўғридан-тўғри хорижий инвестициялар ва молиявий ёрдам умумий ҳажмидан ортиқ бўлди.
Европа ва Марказий Осиё мамлакатларига пул ўтказмалари ҳажми 2021 йилда 5,3 фоизга ўсиб, 67 миллиард долларни ташкил этиши кутилмоқда. 2022 йилда пул унинг ҳажми яна 3,8 фоизга ўсиши кутилмоқда.
Пул ўтказмаларининг кескин ўсишига мигрантларнинг қийин пайтларда ўз оилаларини таъминлаш истаги, шунингдек, ривожланган мамлакатлар иқтисодиётининг тикланиши ёрдам бермоқда. Россия ва Форс кўрфази давлатларида, бунга, шунингдек, нефть нархининг ошиши ҳам муҳим рол ўйнайди.
Жаҳон банкининг Ижтимоий ҳимоя ва бандлик бўйича глобал амалиёт департаменти директори Михал Рутковскининг таъкидлашича, мигрантларнинг пул ўтказмалари оқими COVID-19 инқирози даврида иқтисодий қийинчиликка дучор бўлган оилаларни қўллаб-қувватлаш учун ҳукуматнинг пул ёрдами дастурларига жуда яхши қўшимча бўлди.
Жаҳон иқтисодиёти тикланишини жадаллаштириш ва уй хўжаликларидаги вазиятни юмшатиш учун пул ўтказмаларини юборишни қўллаб-қувватлаш керак. Жумладан, ҳозирда 200 доллар пулни юбориш учун 6,4 фоизни ташкил этувчи пул ўтказмаси тўловини пасайтириш лозим.
Ўзбекистон бу борада қулай шароитда — ўзбекистонлик мигрантларнинг аксарияти жойлашган Россияда пул ўтказмалари учун тўлови миқдори 1,8 фоиздан 1 фоизга тушди.
Марказий банкнинг 2021 йилнинг 9 ойи якунлари бўйича ҳисоботида пул ўтказмалари аҳоли бирламчи ва иккиламчи даромадлари ўсишини таъминлагани қайд этилганди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Эрдўғон Туркия Исроил билан алоқаларини узганини маълум қилди
Боррел ЕИнинг Исроил билан мулоқотини тўхтатишни таклиф қилди
Рақобат қўмитаси биржада Аи-80 бензини бошланғич нархига чеклов ўрнатди
Чет эл валюталарининг ўзбек сўмига нисбатан янги қийматлари эълон қилинди
Сирдарёда ЙТҲ содир этган ҳайдовчидан пул олган ЙПХ ходими қамалди
