Ўзбекистон футбол ассоциацияси қитъамизда футболи ривожланган мамлакатлар билан алоқаларни мустаҳкамлаш йўлида давом этяпти. Шу мақсадда ЎФА ҳамда Япония футбол ассоциацияси ўртасидаги яқин ва самарали ҳамкорликни давом эттиришга мўлжалланган навбатдаги музокаралар видеоанжуман шаклида ўтказилди. ЎФА матбуот хизматининг хабарида айтилишича, унда икки мамлакат футболини ривожлантириш, аёллар футболини янги босқичга олиб чиқиш, ўзаро тажриба алмашиш, шунингдек, Ўзбекистонга Япониядан мураббий ва мутахассисларни жалб этиш каби масалалар муҳокама қилинди.
Дастлабки музокараларда ЎФА биринчи вице-президенти Равшан Эрматов Ўзбекистон аёллар терма жамоаси бош мураббийлиги ва ҳудудий академияларнинг техник директорлиги лавозими учун Япониянинг тажрибали мутахассислар хизматидан фойдаланиш ташаббуси билан чиққан эди.
Ўз навбатида Япония футбол ассоциацияси ҳам бу таклифни қўллаб-қувватлади ва Ўзбекистон билан ҳамкорлик қилиш ҳар иккала давлат учун фойдали эканлигини маълум қилди.
Дастлабки келишувга кўра, аёллар терма жамоамизга номзод бош мураббий ва унинг ёрдамчиси келаси йилнинг январь ойида, ҳудудий академияларнинг техник директори эса февраль ойида юртимизга келиши кутилмоқда. Мазкур мутахассисларга аёллар футболини ривожлантириш тизимини йўлга қўйиш ва машғулотларни илмий-таҳлилий ёндашув дастурлари асосида ташкил этиш каби вазифалар юклатилади.
Конференцияда юртимизда фаолиятини бошлаши кутилаётган япониялик мураббийлар ҳам иштирок этиб, бўлажак иш режасини таништирди. Ўз навбатида, ЎФА тегишли бўлинмалари томонидан мутахассисларга аёллар терма жамоаси ва умумий футболдаги вазият таништирилди ҳамда жамоанинг ўйинларидан иборат видео-материал тақдим этилди. Бу ўз ўрнида, япониялик мураббийларга февраль ойига қадар бўлажак масъулиятли вазифасига пухта тайёргарлик кўриш имконини беради.
Музокаралар чоғида шунингдек, шартноманинг шартлари ва япон мутахассисларининг мамлакатимиздаги вазифалари яна бир бор муҳокама қилинди. Ҳар икки томон ҳам узоқ муддатли самарали ҳамкорлик қилишга тайёр эканликларини билдирдилар.
ЎФА матбуот хизмати.
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Сирдарёда бюджетга жуда кўп миқдорда зарар етказган майнинг ферма аниқланди
Бухоро вилоятида «Нексия-3» автомашинаси букланиб қолди
Эрдўғон: «Исроил Гитлердан ҳам ўтиб кетди»
Давлат хавфсизлик хизмати маклерларга қўшиб мансабдорларни ҳам қўлга олди
Шавкат Мирзиёев бир қатор давлатларнинг ТИВ раҳбарларини қабул қилди
Марказий Осиё давлатлари 2024 йил ёзи учун Амударё ва Сирдарё сувини тақсимлаб олди
