Европа Лигаси ва Конференциялар Лигасида плей-офф босқичига йўл олган жамоалар

^{Коллаж: УЕФА}
Еврокубокларда 9 декабрь куни гуруҳ босқичининг сўнгги ўйинлари ўтказилди ва кейинги босқичга йўл олган барча жамоалар номи бўлди.

Европа Лигаси гуруҳ босқичида биринчи ўринни олган жамоалар тўғридан тўғи 1/8 финалга йўл олган. Иккинчи ўрин эгалари эса ЕЧЛ гуруҳ босқичида учинчи ўрин олган жамоалар билан ўтиш ўйинида иштирок этади ва унинг ғолиби нимчорак финал иштирокчисига айланади.

Биринчи ўрин эгалари: «Спартак», «Лион», «Монако», «Айнтрахт», «Галатасарой», «Црвена Звезда», «Байер», «Вест Ҳэм».

ЕЧЛда учинчи ўринни олганлар: «Зенит», «Лейпциг», «Порту», «Боруссия Д», «Шериф», «Барселона», «Аталанта» ва «Севилья».

Европа Лигасида 2-ўрин эгалари: «Рейнжерс», «Реал Сосьедад», «Наполи», «Олимпиакос», «Лацио», «Брага», «Бетис», «Динамо» Загреб.

Худди шу тизим Конференциялар Лигасида ҳам қўлланилади. Европа Лигаси гуруҳ босқичининг 3-ўрин соҳиблари ўтиш ўйинида мазкур мусобақанинг иккинчи ўрин эгалари билан ўйнайди. Биринчи ўринни олган жамоалар эса 1/8 финалга йўл олган.

Элдор Шомуродов жамоаси ўз гуруҳида биринчи ўринни олган ҳолда Конференциялар Лигаси нимчорак финалига чиқди. Шунингдек, «АЗ», «Базел», «Копенгаген», «Фейеноорд», «Гент», «ЛАСК», «Ренн» каби жамоалар ҳам ўз гуруҳини биринчи ўринда якунлаган.

Плей-офф босқичига 13 декабрь, душанба куни қуръа ташланади. “Замин” янгиликларини “Одноклассники”да кузатиб боринг