Отабек Умаров йилнинг энг яхшилари қаторида тақдирланди

Бугун, 29 декабрь куни «Uzbekistan Sport Awards-2021» тақдирлаш маросими ўтказилди. Унда Осиё Олимпия Кенгаши вице-президенти Отабек Умаров «Спорт соҳасидаги халқаро ҳамкорликни кучайтиришга қўшган ҳиссаси учун» мукофоти билан тақдирланди.

Маросимда «Йил кашфиёти» соврини – таэквондо бўйича Олимпия ўйинлари чемпиони Улуғбек Рашитовга топширилди.

Мухлислар ўртасидаги сўров натижаларига кўра, «Йилнинг энг яхши спортчиси» – бокс бўйича Олимпия ўйинлари чемпиони Баҳодир Жалолов бўлди.

Республика Комиссияси хулосасига кўра, «Йилнинг энг яхши спортчиси» Ўзбекистон Миллий кубоги ғолиби – оғир атлетика бўйича Олимпия ўйинлари ва жаҳон чемпиони Акбар Жўраевга насиб этди. «Замин»ни Telegram’да ўқинг!