“Пари Сен-Жермен” ҳужумчиси Лионель Месси фаолиятини “Интер Майами”да давом эттириши кутилмоқда, - деб ёзади Marca.
Манбанинг хабар беришича, аргентиналик юлдуз 2023 йилда Дэвид Бекхэм эгалик қилувчи “Интер Майами” билан шартнома имзолаши ҳақиқатга яқин. Аввалроқ, Мессининг ўзи ҳам АҚШ чемпионатида ўйнамоқчи эканини айтган ва ҳатто Майамидан кўчмас мулк сотиб олган.
Месси “Барселона” билан янги битим туза олмаганидан кейин молиявий жиҳатдан анча бақувват клуб ҳисобланган ПСЖни танлаган эди.
Аргентиналик юлдуз шу кунга қадар Франция чемпионатида 11 та учрашувда битта гол урди ва тўртта голли пас узатди. Чемпионлар лигасида эса бешта учрашувда ўз ҳисобига бешта гол ёздириб қўйди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
