Суперлига клубларимиз янги мавсумга тайёргарлик ишларини давом эттиришмоқда. Чемпионатнинг амалдаги бронза медаллари соҳиби АГМК ҳам Тошкент шаҳрида йиғинга киришган. Кеча жамоанинг машғулотини бевосита кузатиб бордик. Машғулот якунланиш арафасида бош мураббий Миржалол Қосимовни суҳбатга чорладик.
"Янги мавсумга тайёргарликнинг илк қисмини 20-30 декабрь саналарида ўтказдик. Янги йилдан кейин 5 январь куни йиғилдик. Айрим футболчилар жамоани тарк этди. Уларнинг ўрнига бошқалар таклиф қилинди. Масалан Анзур Исмоилов, Дмитрий Мишченко, Абдулла Абдуллаев, Хуршид Ғиёсов келиб қўшилди. Яна оладиган футболчиларимиз бор. Ўзингиз биласиз ўтган йилги таркибдан кўп футболчилар бошқа жамоаларга йўл олди. Бўш қолган позицияларни тўлдиришимиз керак. Учинчи ўринни қўлга киритганимизни ёмон натижа, деб ўйламайман. Янада кўпроқ ишлашимиз лозим", - дейди Миржалол Қосимов.
- Хориж йиғини режадан ўрин олганми?
- Албатта режамиз бўйича январь ойида Дубайга боришимиз керак эди. Машғулот ўтказадиган "Жабел Али" мажмуасида жамоалар кўп. Эндиликда Туркияда ўқув-машғулот йиғинини олиб борамиз. Биздаги муаммолардан бири машғулот учун майдонларимиз йўқлиги. Шунинг учун мана "Навбаҳор" ҳам хорижда машғулотларни давом эттирмоқда.
- Демак АГМК ҳали трансферлардаги юришини давом эттиради. Боиси кетган ва келган футболчилар орасида катта тафовут юзага келмоқда...
- Тўғри. Ёшларга ҳам имконият берилади. Ниятимиз Олмалиқ шаҳридан яхши футболчи етиштириб чиқариш. Селекция йил давомида бўлиши керак.
- Сўнгги икки йилдаги гегемон "Пахтакор" таркиб жиҳатдан кучсизланди. Бундан бошқа жамоалар фойдаланиб қолиши мумкинми?
- Мақсад ҳар доим бор. Чемпионликка ҳаракат қилинади. Таркибни кучайтириб бемалол уриниб кўриш мумкин. "Жўжани кузда санаймиз", - деган гап бежиз айтилмаган. Ҳаммасини вақт кўрсатади. "Пахтакор" нечи йиллик тарихга эга жамоа. Кимдир келади, кимдир кетади, бусиз иложи йўқ. Бу алдамчи ҳолат бўлиб қолиши мумкин. Қолаверса "Пахтакор"нинг академияси ҳам кучли. Кўп нарса биринчи давра охирларига келиб маълум бўлиб қолади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Қозоғистонда яна 1 млрд доллар ноқонуний активлар давлатга қайтарилди
