Бу мавсум Про лигада кимлар қатнашади?

Кеча ПФЛ 2022 йилги футбол мавсуми учун янги регламентни эълон қилди. Унга кўра, бу йил ҳам Про лигада 10та клуб иштирок этади. Клублар аввалига уй-меҳмон тарзида 18 турни ўтказишади. Шундан сўнг жадвал икки қисмга бўлиниб, юқори бешлик Суперлига учун, қуйи бешлик Про лигада қолиш учун кураш олиб боради.

Иккинчи босқичда клублар уй-меҳмон тарзида 8тадан ўйинда майдонга тушишади. Бу йил Про лигада иштирок этадиган клублар: "Машъал", "Андижон", "Турон", "Нурафшон" ("Бухоро"), "Хоразм", "Янгиер", "Шўртан", "Орол", "Зомин" ва "Ғиждувон".

Регламентга кўра, Про лига мусобақаси якунлангач, дастлабки икки ўрин эгаси тўғридан тўғри Суперлигага йўл олади. 3-ўрин соҳиби эса Суперлиганинг 12-жамоаси билан плей-офф учрашувида майдонга тушади. Про лигада 10-ўринни эгаллаган клуб Биринчи лигага тушиб кетади. 9-ўринни банд қилган жамоа Биринчи лиганинг 2-ўрин эгаси билан ўтиш ўйинида иштирок этади. «Замин»ни Telegram’да ўқинг!