"Бунёдкор" легионери Побулич: "Мақсадим – кўплаб голли узатмаларим билан ғалабаларга ҳисса қўшиш"

"Бунёдкор" клубининг янги аъзоси Дмитрий Побулич Ўзбекистондаги илк интервьюсини клуб матбуот хизматига тақдим этди. Қуйида мазкур интервьюни матнли кўринишда ўқиб чиқишингиз мумкин.

- Жамоадаги илк машғулотингиз хусусида нима дея оласиз?
- Жамоа яхши футболчилардан иборатлиги кўриниб турибди. Бу ерда эканлигимдан хурсандман. Мавсум старт олишини интизорлик билан кутяпман.

- Ўзбекистонга келгунга қадар Суперлига ҳамда "Бунёдкор" ҳақида маълумотга эгамидингиз?
- Ҳа, албатта. Ўзбекистонда жуда кўп дўстларим "Сўғдиёна" ва "Навбаҳор" клубларида ўйнашган. Улар "Бунёдкор" Ўзбекистоннинг энг кучли жамоаларидан бири эканлигини айтишди. Бугун кўрдимки, "қалдирғочлар"га яратиб берилган шароит аъло даражада. Клуб энг яхши стадионга эга. Жамоа қароргоҳида ҳам барча шароитлар яратилган.

- Янги мавсум учун ўз олдингизга қандай мақсадларни қўйдингиз?
- Умид қиламанки, барчаси яхши бўлади. Асосийси, жамоанинг кўрсатадиган натижаси. Мақсадим – кўплаб голли узатмаларим билан ғалабаларга ҳисса қўшиш. Чунки майдондаги позициям – ҳужумкор ярим ҳимоя.

- "Бунёдкор"дан ташқари яна қайси жамоалардан таклифлар бўлган эди?
- Оғзаки таклифлар бўлди, лекин фақат "Бунёдкор" аниқ ва жиддий таклиф билан чиқди. Ўйлайманки, ижобий натижаларга эришамиз.

Манба: "Бунёдкор" матбуот хизмати

Бунёдкор, Побулич, Легионер “Замин” янгиликларини “Инстаграм”да кузатиб боринг