782
Тимур Кападзе: "Агар камералар сони кўпроқ бўлганида, VAR қарорлари тез ва тўғрироқ чиқарилган бўларди"
Суперлиганинг 4-туридан ўрин олган "Сўғдиёна" – "Олимпик" (1:1) ўйинидан сўнг меҳмонлар бош мураббийи Тимур Кападзе матбуот анжуманида қатнашди.
- Ўйин ҳақида
- Футболимизнинг 110 йиллиги билан муборакбод этаман. Чунки озми-кўпми тарихга эгамиз. Насиб қилса, кейинги йилларда терма жамоаларимизнинг ютуқлари туфайли катта байрам қилайлик.
Қизиқарли ўйин бўлди. Икки жамоа ҳам астойдил кураш олиб борди. Майдон сифати борасида озгина камчиликлар бор эди, шунинг учун кўп курашлар кузатилди. Афсуски, ўйин охирида пенальти туфайли ғалабани қўлдан чиқардик. Аммо бу – футбол. Демак, қаердадир хато қилганимиз туфайли мағлубиятга учрадик. Умуман олганда, қизиқарли учрашув бўлди.
- Жамоангиз рақиб қизил карточка олгандан кейин ҳам чамаси 10 дақиқани ҳимояда ўтказди, "Олимпик" ҳужумга ўтиши кутилганди...
- Бугун деярли томошабинга тўла стадион ўйин бошиданоқ таъсир ўтказди. Кўпчилик бўлиб қолганимиздан кейин йигитлар фаолликни оширишди.
- Дарвозабон Владимир Назаров жароҳатдан кейин тикланишга улгурдими?
- Унинг жароҳати жиддий эмас экан. У ўйинга тайёрлиги туфайли унга имконият бердик.
- Пенальти ҳақида фикрингиз?
- Вазиятни VAR'да кўриб чиқишди ва шундай қарорга келишди.
- Суперлиганинг кўп ўйинларида қизил карточка ва пенальтилар кўряпмиз. Гима деб ўйласиз, ўйинлар тақдирини ҳакамлар ҳал қилишяптими?
- Кўпинча VAR бор ўйинларда шундай қарорга келишмоқда. Умуман олганда, менимча, VAR'да кўрилганидан кейин бу юзасидан бошқа саволлар бўлмаслиги керак. Қизил карточкалар кузатиляптими, демак, майдонда эмоцияларга берилиш ва жиддий кураш кечмоқда. Футбол курашлардан иборат.
- Чемпионатимиздаги VAR ўзини оқлаяптими?
- VAR бутун дунёда ишлатилмоқда. Аммо бизда камералар кам, уларни кўпайтиришимиз керак. Агар камералар сони кўпроқ бўлганида, қарорлар тез ва тўғрироқ чиқарилган бўларди.
- 1-таймдан сўнг бир йўла 2 та ўзгаришга қўл урдингиз. Бу тактик ўзгаришмиди ёки шогирдларингиздан кўнглингиз тўлмадими?
- Униси ҳам, буниси ҳам. 1-таймда ўзини эркин ҳис қилмаган футболчиларни ўзгартиришга ҳаракат қилдим. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Эрдўғон Туркия Исроил билан алоқаларини узганини маълум қилди
Рақобат қўмитаси биржада Аи-80 бензини бошланғич нархига чеклов ўрнатди
Шавкат Мирзиёев Ар-Риёд шаҳрига етиб борди (фото)
Рууд ван Нистелрой ва яна уч мураббий “Манчестер Юнайтед”ни тарк этди
"Майк Тайсон - Жейк Пол" бокс оқшомининг барча иштирокчилари билан танишинг
Нима учун айнан кузда кўпроқ киви истеъмол қилиш керак?
АҚШ Регистон майдони архитектурасини сақлаб қолиш учун 500 минг доллар ажратди
