Бобур Абдухолиқов майдон марказидан гол урган ўйинда «Энергетик-БГУ» иродали ғалабага эришди (видео)

^{Фото: «Энергетик-БГУ»}
Футбол бўйича Беларусь Олий Лигасининг 2-турида «Энергетик-БГУ» 3 апрель, якшанба куни «Торпедо-БелАЗ»ни қабул қилди.
Учрашув дебютида меҳмонлар ҳисобда олдинга ўтиб олди. 29-дақиқада Бобур Абдухолиқов мувозанатни тиклади. Иккинчи бўлим бошида Александр Свирепа минскликларнинг иккинчи голини урди.

Учрашувга қўшиб берилган вақтда ўзбекистонлик футболчи майдон марказидан бўш дарвозани аниқ нишонга олган ҳолда, якуний ҳисобни ўрнатди.
«Талабалар» икки турда олти жамғарган ҳолда «БАТЭ» билан биргаликда пешқадам бўлиб турибди.

«Энергетик-БГУ» — «Торпедо-БелАЗ» 3:1
Голлар: 0:1 – 4 Горбачик, 1:1 – 29 Абдухолиқов, 2:1 – 55 Свирепа, 3:1 – 90+5 Абдухолиқов.
«Энергетик-БГУ»: Макушинский, Свирепа, Макавчик, Лаврик (Самотой, 67), Пашевич, Силинский (Омелянчук, 82), Абдураҳмонов, Рилач, Ҳусанов, Абдухолиқов, Папарига (Гришченко, 73; Кунский, 90).
«Торпедо-БелАЗ»: Устинов (Мартянов, 63), Бушма, Залеский, Яшин, Иванов, Премудров, Березкин, Побудей, Липе, Горбачик (Шевченко, 61), Кириленко (Ковалев, 73).
“Замин” янгиликларини “Инстаграм”да кузатиб боринг