"Рома" "Буде-Глимт" ҳужумчисини сотиб олмоқчи, у римликларга учта гол урган

"Рома" норвегиялик ҳужумчи Ола Сольбаккенга қизиқиш билдирмоқда. "Буде-Глимт" жамоасида тўп сураётган 23 ёшли ҳужумчи жорий мавсумда Конференция лигасида "Рома"га қарши ўйинда учта гол урди.

Жамоалар гуруҳ босқичида ўзаро тўқнаш келишди. "Буде-Глимт" ўз уйида "Рома"ни 6:1 ҳисобида мағлуб этди, Сольбаккен ушбу ўйинда дубль қайд этди. Италиядаги жавоб учрашувида (2:2) ҳам яна бир гол киритди.

Йил охирида эркин агентга айланадиган ёш футболчининг ўйини "Рома" раҳбарларида катта таассурот қолдирмоқда.

Эслатиб ўтамиз, "Буде-Глимт" ва "Рома" Конференция лигасида 1/4 финал босқичида яна тўқнаш келишади. Дастлабки ўйин 7 апрель, жавоб ўйини эса 14 апрель куни бўлиб ўтади.

Янгиликлар