1 155
ЕКЛ. «Рома» Римда Норвегия клубини тор-мор келтириб, 1/2 финал йўлланмасини қўлга киритди
Футбол бўйича Европа Конференциялар Лигасининг 1/4 финал босқичи жавоб ўйинида «Рома» 14 апрель, пайшанба куни «Будё-Глимт» билан баҳс юритди.
Римда кечган беллашув «бўрилар»нинг йирик ғалабаси билан якунланди. 5-дақиқада Тэмми Абраҳам дарвозабондан қайтган тўпни дарвозага жойлаб қўйиб, ҳисобни очди. Танаффусгача мезбонлар яна икки марта рақиб дарвозасига йўл топди, ҳар иккала голга ҳам Николо Занёло муаллифлик қилди. Иккинчи 45 дақиқаликда Николо яна бир бор ўз номига гол ёздириб, ҳет-трик муаллифига айланди.
Учрашувда «Рома»нинг ўзбекистонлик ҳужумчиси Элдор Шомуродов майдонга туширилмади.
Шу тариқа Жозе Моуриньо шогирдлари икки ўйин натижасига кўра Норвегия клубини 5:2 ҳисобида енгиб, Конференциялар Лигасининг 1/2 финалига йўл олди. Жамоаларнинг дастлабки баҳсида 2:1 «Будё-Глимт»нинг қўли баланд келганди.
Қайд этиб ўтиш керак, римликлар ушбу жамоа билан бир гуруҳдан ўрин олганди. Римликлар битта ўйинда мағлубиятга учраган (6:1) бўлса, яна бир ўйинда дуранг (2:2) натижа қайд этган.
Конференциялар Лигаси
1/4 финал, жавоб баҳслари
«Рома» Италия – «Будё-Глимт» Норвегия 4:0
Голлар: 1:0 – 5 Абраҳам, 2:0 – 23 Занёло, 3:0 – 29 Занёло, 4:0 – 49 Занёло.
«Рома»: Руй Патрисиу, Карсдорп, Смоллинг, Манчини, Рожер, Залевски (Мэйтленд-Найлз, 86), Мхитарян (Верету, 85), Кристанте, Пеллегрини (Сержиу Оливейра, 76), Занёло (Афена-Гьян, 60), Абраҳам (Карлес Перес, 86).
«Будё-Глимт»: Ҳайкин, Сампстед, Ҳойбротен, Моэ (Сери, 61), Вембангомо (Квиле, 89), Салтнес, Ветлесен, Ҳаген, Кумсон (Мвука, 73), Эспеёрд (Бонифасе, 61), Солбаккен (Селвог, 89).
Огоҳлантиришр: Манчини (54).
Дастлабки ўйин — 1:2.
«ПСВ» Нидерландия – «Лестер» Англия 1:2
Голлар: 1:0 – 27 Захави, 1:1 – 77 Мэддисон, 1:2 – 88 Рикарду Перейра.
Дастлабки ўйин — 0:0.
«Славия» Чехия – «Фейеноорд» Нидерландия 1:3
Голлар: 0:1 – 2 Дессерс, 1:1 – 14 Траоре, 1:2 – 59 Дессерс, 1:3 – 78 Синистерра.
Дастлабки ўйин — 3:3
«ПАОК» Греция – «Марсель» Франция 0:1
Гол: 0:1 – 34 Пайет.
Дастлабки ўйин — 1:2. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Қозоғистонда яна 1 млрд доллар ноқонуний активлар давлатга қайтарилди
