Рўзиқул Бердиев: "Тарихий натижа билан барча ўзбекистонликларни табриклайман"

Осиё Чемпионлар лигаси гуруҳ босқичининг 6-туридан ўрин олган “Ал-Веҳдат” – “Насаф” (2:2) учрашувидан сўнг “аждарлар” устози Рўзиқул Бердиев ҳамда ўйиндаги дастлабки гол муаллифи Марко Станоевич матбуот анжуманида иштирок этди ва ўз фикрларини билдириб ўтди.

Рўзиқул Бердиев: - Ассалому алайкум, аввало, бизнинг асосий мақсадимиз кейинги босқичга чиқиш эди. Буни уддаладик, йигитларга раҳмат айтаман, мухлисларимизни бу билан табриклайман.

Ўйин тенг курашлар остида кечди, ва натижани ўз томонимизда ушлаб қолдик. Бугунги ўйинда асосий эътиборимиз натижага қаратилди. Ўз тарихимизда илк бор кейинги босқичга чиқишга яқин эдик, шу сабабли асосий эътиборимизни ҳимояга қаратиб қарши ҳужумларга таянган ҳолда ўйинни ташкил қилдик.

Умид қиламанки жамоамиз журналистларда илиқ таассурот қолдирди.

Марко Станоевич: - Биз Ал Веҳдатга қарши ўйинда яхшигина қаршиликка учрадик, аммо керакли натижани қайд этганимиздан ҳурсандман.

- Аввало жамоани плей-оффга чиққани билан табриклаймиз. Жамоангиз ўйинни ҳужумкор бошлади ва учинчи дақиқадаёқ гол урди. Тезкор гол Сизнинг режангизда бормиди?

Рўзиқул Бердиев: - Тезкор гол уришга ҳаракат қилиш режада бор эди. Қарши ҳужумларда ўткирроқ, хавфлироқ ўйнашни истадик. Боя айтганимдек, бугун натижа учун ўйнадик. "Насаф"нинг кейинги босқичга чиқиши тарихий натижа бўлди. Шу сабабли кўпроқ ҳимояланиб, қарши ҳужумларда ўйнашимиз керак эди. Натижадан хурсандмиз.

- Маркога мураббий ҳақида савол бор. Ушбу мураббий "Насаф"да ишлаётганига узоқ йиллар бўлди. Ўтган йили жамоа ОФК Кубогида муваффақиятли қатнашди. 11 йил олдин эса ушбу мусобақада тарихий натижага эришилди. Хўш, мураббийингиз қийин ва хурсанд пайтларда қанчалик даражада ўзгаради?

Марко Станоевич: - Мураббийимиз муваффақиятларимизнинг асосий сабабчиси. У жамоа таркибидаги барча футболчиларнинг сифатларини, маълумотларини яхши билади. У билан ишлаш менга ёқади. “Замин” янгиликларини “Одноклассники”да кузатиб боринг