Япония 4 млн долларлик грант ажратади: Ўзбекистонда биогаздан метан ишлаб чиқарилади

1 дақиқа ўқиш642
Япония 4 млн долларлик грант ажратади: Ўзбекистонда биогаздан метан ишлаб чиқарилади
Экология, атроф-муҳитни муҳофаза қилиш ва иқлим ўзгариши масалалари Ўзбекистон учун тобора долзарб аҳамият касб этмоқда. Шу муносабат билан Вазир Азиз Абдуҳакимов Япониянинг етакчи компанияларидан бири — Le One Co., Ltd билан учрашув ўтказди. Мазкур компания бош ижрочи директори Харуки Ямасаки ташриф буюрган делегация таркибида иштирок этди.

Учрашув давомида муҳим маълумотлар эълон қилинди. Япония ҳукумати қўллаб-қувватлаган Le One Co., Ltd компанияси 2025–2030 йилларга мўлжалланган, умумий қиймати 4 миллион АҚШ долларига тенг халқаро грантни ютгани маълум қилинди. Ушбу грант Япония энергетика ва саноатни ривожлантириш ташкилоти томонидан тақдим этилган бўлиб, асосий мақсад — декарбонизация ва яшил энергия соҳасидаги илғор япон технологияларини дунё бўйлаб оммалаштиришдир.

Бу лойиҳа Ўзбекистон учун улкан аҳамиятга эга. Лойиҳа доирасида биологик чиқиндиларни қайта ишлаш орқали биогаздан метан ишлаб чиқаришга ихтисослашган тажриба заводи қурилиши режалаштирилмоқда. Бу завод нафақат чиқиндиларни қайта тиклаш имконини яратади, балки ишлаб чиқарилган метан орқали муқобил энергия манбаи ҳосил қилинади.

Шунингдек, лойиҳа атроф-муҳитни муҳофаза қилиш билан боғлиқ бир неча долзарб муаммоларга ечим бўлиши мумкин. Хусусан:

- иссиқхона газлари ташламаларини камайтириш,
- чиқиндиларни хавфсиз йўқ қилиш,
- қишлоқ хўжалиги учун биогумус ишлаб чиқариш,
- кимёвий моддалардан фойдаланмаган ҳолда, Япония стандартлари асосида чуқур тозалаш тизими жорий этиш.

Эътиборли жиҳати шундаки, лойиҳага гибрид циркуляция технологияси ҳам татбиқ этилади. Бу технология чиқиндиларни бошқаришда ресурсларни тежашга хизмат қилади. Яъни, энергия истеъмолини камайтирган ҳолда барқарор ривожланиш мақсадларига эришиш мумкин бўлади.

Япония томонининг ушбу ташаббуси Ўзбекистон учун стратегик аҳамиятга эга. Бу нафақат икки давлат ўртасидаги ҳамкорликни мустаҳкамлайди, балки мамлакатимизнинг кам углеродли иқтисодиётга босқичма-босқич ўтишида муҳим омил бўлиб хизмат қилади.

Якунда айтиш мумкинки, бу лойиҳа атроф-муҳитни асраш, энергияни тежаш ва экологик хавфсизликни таъминлаш йўлидаги муҳим қадамлардан бири саналади. Шу боисдан ҳам, яқин йилларда бундай ташаббуслар сони янада ортиши ва технологиялар янада оммалашиши кутилмоқда.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?