Сунъий интеллект дастурлаш бозорида фойда маржаси тобора қисқармоқда

AI асосида код ёзувчи стартаплар юқори ишлаш харажатлари ва паст фойда маржалари туфайли жиддий қийинчиликларга дуч келмоқда, деб TechCrunch.com хабар берди.

Кўплаб компаниялар моделларни ўқитиш, сервер инфратузилмаси ва лицензия харажатлари юқори бўлгани учун маблағларни тез сарфлаб юбормоқда.

Мутахассислар таъкидлашича, бундай стартаплар катта технология гигантлари билан рақобатда қийналмоқда, чунки улар арзон ва масштабли AI хизматларини таклиф қила олади.

Кўпинча мижозларни жалб қилиш нархи олинган фойдадан юқори бўлиб қолади, бу эса стартапларни узоқ муддатли барқарорликдан маҳрум қилади.

Инвесторлар ҳам юқори харажат ва суст рентабеллик туфайли эҳтиёткорлик билан сармоя киритмоқда.

Мақолада айтилишича, фақат инновацион маҳсулот ва иқтисодий самарадорликни бирлаштира олган стартапларгина бозорда қолиши мумкин.

Нодирбек Раззоков

«ЗАМИН.УЗ» муҳаррири