Vedomosti.ru ёзишича, Россия ҳукумати смартфон, ноутбук ва бошқа электрон ускуналарга нисбатан янги "технологик йиғим" жорий этиш масаласини кўриб чиқмоқда. Ушбу йиғим 2026 йилдан кучга кириши мумкин.
Технологик йиғим — бу мамлакатдаги рақамли инфратузилмани ривожлантириш ва маҳаллий ишлаб чиқарувчиларни қўллаб-қувватлаш мақсадида жорий этиладиган махсус тўлов туридир. Маҳсулотнинг импорти ёки маҳаллий ишлаб чиқарилишига қараб, ҳар бир қурилма учун аниқ миқдорда йиғим белгиланиши мумкин.
Ҳозирча аниқ ставка маълум эмас, аммо иқтисодий таҳлилчиларга кўра, бу йиғим ҳар бир қурилма учун 1 000 — 5 000 рубл (140 000 — 700 000 сўм атрофида) бўлиши мумкин.
Йиғим ускуналарнинг чакана нархларига таъсир қилиши, айниқса хорижий брендлар учун қимматлашишга олиб келиши мумкин. Бу эса истеъмолчилар учун ҳам, маҳаллий савдо компаниялари учун ҳам маълум ноқулайликларни юзага чиқариши мумкин.
Ҳукумат бу орқали маҳаллий ишлаб чиқаришни рағбатлантириш ва ташқи маҳсулотларга боғлиқликни камайтиришни мақсад қилган. Шунингдек, йиғим орқали йиғилган маблағлар Россияда технологик салоҳиятни оширишга йўналтирилиши кутилмоқда.
Тақдим этилаётган режа ҳали тасдиқланмаган, аммо саноат ва иқтисодиёт соҳасида фаол муҳокамаларга сабаб бўлмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
