Тошкентда 19 май куни VIII Республика инновацион ғоялар, технологиялар ва лойиҳалар ярмаркаси ўз ишини бошлади. Мунтазам равишда ўтказиладиган ярмарка фан ва ишлаб чиқариш ўртасида кооперацион алоқаларни таъминлаш бўйича амалий механизмга айланиб улгурди. Бу ярмарка 8 йил давомида инновацион жараённинг иштирокчиларини қўллаб-қувватловчи ўзаро ҳамкорликнинг барча даражаларини ўзида мужассам этган ҳолда фан, таълим, ишлаб чиқариш ва бизнесни самарали бирлаштиришга имконият яратиб келмоқда, деб ёзади Kun.uz.
VIII Республика инновацион ғоялар, технология ва лойиҳалар ярмаркасида инновацион ишланмалар экспозицияси қуйидаги йўшналишлар бўйича ўтказилади: ишлаб чиқариш, ахборот технологиялари, соғлиқни сақлаш ва фармацевтика, қишлоқ хўжалиги, фан ва таълим, юқори технологиялар.
Ярмарка доирасида “Ўзавтосаноат” АЖ стендида Ўзбекистон автомобилсозлик соҳасида фаолият юритувчи 15 корхона томонидан тақдим қилинган инновацион ишланмалар ва янги технологиялардан қайси соҳаларда фойдаланиш мумкинлиги намойиш этилди. Бу ишланмалар орасида заҳарли чиқиндиларни утиллаштириш технологияси, энергия ресурсларини (сув, сиқилган ҳаво, ёнилғи) меъёрлаштиришнинг илмий асосланган методлари ва уларни тежаш бўйича техник-ташкилий тадбирлар бор.
Тошкентдаги Турин политехника университетининг стендида йўлдошли навигация тизими намойиш этилди. Ушбу тизимни таълим муассасасида бизнес инкубатор лойиҳаси доирасида такомиллаштириш режалаштирилмоқда. Яқин орада университет ҳудудида ташкил этилган ишлаб чиқариш фирмаси ушбу навигаторларни ўрнатишни бошлайди, кейинчалик эса уларни ишлаб чиқаришни режалаштирмоқда.
Ярмарка давомида 600 га яқин инновацион ғоялар ва ишланмалар намойиш этилиши режалаштирилган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Футзал. Осиё Кубоги. Тожикистон Японияни гуруҳда қолдирди
Эрон президенти жиддий баёнот берди: «Исроилдан ҳеч нарса қолмайди»
Ўзбекистонда ўтган уч ойда қанча автомобиль ишлаб чиқарилган?
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Америкалик олимлар барча учун бирдек фойдали жисмоний фаоллик турини аниқлади