Рутубе платформаси ҳамкорлари эндиликда ўз веб-сайтларига видео тўпламларни махсус плеер орқали жойлаштиришлари мумкин. Бу янгилик фойдаланувчиларга платформадан ташқарида ҳам бир нечта тематик видеоларни узлуксиз томоша қилиш имконини беради. Бу ҳақда Ixbt.com хабар беради.
«Газпром-Медиа Холдинг» матбуот хизматининг хабар беришича, тўпламлар Рутубе сервисида шакллантирилади ва тайёр код орқали исталган сайтга ўрнатилади. Компания келгусида ушбу функциянинг интерфейси ва бошқарув тизимини янада такомиллаштиришни режалаштирмоқда.
Рутубе маҳсулот директори Евгений Илчукнинг таъкидлашича, янги функция ҳамкорларнинг видео контент билан ишлаш имкониятларини сезиларли даражада кенгайтиради. Эндиликда ташқи майдончалар фойдаланувчиларга битта видео ўрнига бутун бошли мавзули тўпламларни тақдим этиши мумкин.
Ушбу ечим контент дистрибюциясини ривожлантириш ва томошабинлар учун янада қулай муҳит яратишга хизмат қилади. Платформа вакиллари ушбу янгиланиш видео контентни тарқатиш стратегиясида муҳим қадам эканлигини қайд этишди.
“Zamin”ни Telegram'да ўқинг!
