SpaceX компаниясининг Старлинк сунъий йўлдош интернети ўзининг имкониятларини кенгайтириб, оддий симли интернет провайдерлари билан рақобатлашадиган даражага етди. Спеедтест маълумотларига кўра, 2025-йилнинг тўртинчи чорагида АҚШдаги фойдаланувчилар учун медиан юклаб олиш тезлиги 132 Мбит/с га етди. Таққослаш учун, бир йил аввал бу кўрсаткич атиги 64 Мбит/с ни ташкил этган эди. Бу ҳақда Ixbt.com хабар беради.
Ҳозирда Старлинк фойдаланувчиларининг қарийб 45 фоизи АҚШ регулятори томонидан «нормал интернет» деб ҳисобланадиган 100 Мбит/с юклаб олиш ва 20 Мбит/с узатиш тезлигига эга. 2025-йил бошида бундай натижага эришган абонентлар улуши атиги 17 фоизни ташкил этган. Бу ўсиш SpaceX компаниясининг орбитадаги сунъий йўлдошлар гуруҳини 10 мингтагача етказгани ва Фалcон 9 ракеталари ёрдамида амалга оширилган 120 дан ортиқ муваффақиятли парвозлар билан боғлиқ.
Эслатиб ўтамиз, 2023-йилда АҚШ Федерал алоқа комиссияси (ФCC) Старлинкга 886 миллион долларлик субсидияни рад этган эди. Ўша вақтда регулятор хизмат тезлиги талаб даражасида эмаслигини важ қилиб кўрсатган. Бироқ, ҳозирги техник кўрсаткичлар ушбу қарорнинг шошилинч бўлганини кўрсатмоқда.
SpaceX келгусида Старшип ракеталари ёрдамида янги авлод сунъий йўлдошларини учириш орқали тезликни янада оширишни режалаштирмоқда. Компаниянинг узоқ муддатли мақсадлари орасида гигабитли тезликка эришиш ва тўғридан-тўғри смартфонлар билан боғланиш имкониятини тақдим этиш турибди.
“Zamin”ни Telegram'да ўқинг!
