SpaceX раҳбари Илон Маск Эмиратес авиакомпаниясининг ўз Airбус А380 самолётларида Starlink сунъий йўлдош интернетини жорий этгани ҳақидаги хабарини бўлишди. Эмиратес компанияси ушбу технологиянинг имкониятлари ҳақида батафсил маълумот берди: биринчи Airбус А380 лайнери аллақачон Starlink тизими билан парвозларни амалга оширмоқда. Бу ҳақда Ixbt.com хабар беради.
Авиакомпания барча тоифадаги йўловчилар учун бепул Wi-Fi хизматини тақдим этмоқда. Ҳозирда Эмиратес паркида Starlink билан жиҳозланган 33 та самолёт мавжуд бўлиб, келажакда бу кўрсаткични 232 та лайнерга етказиш режалаштирилган. Мазкур самолётлар Яқин Шарқ, Осиё-Тинч океани минтақаси, Европа, Африка ва Америка йўналишларида хизмат кўрсатмоқда.
Йўловчилар парвоз давомида видео стриминг, онлайн ўйинлар ва иш жараёнларини узлуксиз давом эттириш имкониятига эга бўлишади. Starlink Авиатион раҳбари Ник Зейтснинг сўзларига кўра, тизим тижорат самолётларида 2 Гбит/с дан ортиқ тезликни таъминлай олади.
Эмиратес ушбу технологияни 2025-йил ноябридан бошлаб Boeing 777 самолётларига ҳам ўрнатишни бошлайди ва 2027-йил ўрталарига қадар бутун флотни модернизация қилишни якунлайди. Ушбу лойиҳа авиакомпаниянинг 5 миллиард долларлик модернизация дастурининг бир қисми ҳисобланади.
“Zamin”ни Telegram'да ўқинг!
