Elon Musk ва OpenAI адвокатлари суд жараёнида якуний нутқларини сўзлашди. Эндиликда ҳакамлар ҳайъати OpenAI нотижорат ташкилотдан фойда кўришга йўналтирилган тузилмага айланиш жараёнида қонунбузарликларга йўл қўйганми ёки йўқлигини ҳал қилиши керак. Бу ҳақда Techcrunch.com хабар беради.
TechCrunch'нинг Эқуитй подкастида муҳокама қилинганидек, суднинг сўнгги кунларида асосий эътибор OpenAI бош директори Sam Altman'нинг ишончлилигига қаратилди. Мускнинг адвокати Стив Моло Алтманнинг Конгрессдаги чиқишлари чоғида берган баёнотларининг ростгўйлигини шубҳа остига олди.
Экспертлар фикрича, ишонч масаласи нафақат Алтман, балки барча сунъий интеллект лабораториялари учун долзарбдир. Кўплаб технология журналистлари ва сиёсатчилар хусусий компаниялар фаолияти ёпиқ эшиклар ортида қолаётганидан хавотирда.
Суд жараёни OpenAI ичидаги ҳокимият учун кураш ва Sam Altman'нинг бошқарув услуби атрофидаги зиддиятларни юзага чиқарди. Алтман ўзининг можаролардан қочишга мойиллиги ва одамларга ёқадиган гапларни айтиш одати борлигини тан олган бўлса-да, бу унинг атрофидаги ишончсизликни тўлиқ бартараф этмаяпти.
“Zamin”ни Telegram'да ўқинг!
