Spotify платформаси фойдаланувчилар учун подкастларни шунчаки тинглаш масканидан уларни яратиш майдонига айлантиришни мақсад қилган. Компания фойдаланувчи ғояси ёки махсус буйруғи (промпт) асосида сунъий интеллект ёрдамида шахсий подкастлар яратиш функциясини жорий қилмоқда. Тез орада фойдаланувчилар бевосита Spotify иловаси ичида кундалик ёки ҳафталик қисқа брифинглар, шунингдек, муайян мавзуларни тушунишга ёрдам берувчи бир марталик аудио материаллар яратиш имкониятига эга бўладилар. Бу ҳақда Techcrunch.com хабар беради.
Янги тизим орқали фойдаланувчилар “Иқтисодиётни беш дақиқада тушунтириб бер” ёки “Севимли санъаткорларимнинг концертлари ҳақида маълумот бер” каби сўровлар юборишлари мумкин. Шунингдек, подкаст яратиш учун ҳаволалар, ПДФ файллар ва матнларни юклаш, ҳатто овоз турини танлаш имконияти мавжуд. Бу борада Spotify НотебоокЛМ ва ElevenLabs каби технологиялардан андоза олмоқда. Шунингдек, фойдаланувчининг электрон почтаси ва тақвимига уланиб, шахсий ҳисоботлар тайёрловчи Студио бй Spotify Лабс иш столи иловаси ҳам тақдим этилди.
АҚШ, Швеция ва Ирландиядаги Премиум обуначилар учун подкастлар бўйича сунъий интеллектли савол-жавоб (Қ&А) функцияси ишга туширилди. Эндиликда тингловчилар подкаст давомида тилга олинган тушунчалар ҳақида савол беришлари ёки қизиқарли мавзуларда тавсиялар олишлари мумкин. Бу функция Google томонидан яқинда тақдим этилган Аск YouTube хизматига ўхшаш бўлиб, фойдаланувчиларнинг контент билан фаолроқ мулоқот қилишини таъминлайди.
Подкаст муаллифлари учун ҳам янгиликлар бор: Spotify брендлар билан ҳамкорликни бошқариш учун ҳомийлик воситаларини ва эксклюзив контентлар учун пуллик обуна тизимини жорий қилмоқда. Бундай имкониятлар аввалроқ Instagram, Facebook ва Снап каби ижтимоий тармоқларда йўлга қўйилган эди. Компания маълумотларига кўра, видео подкастлар истеъмоли ўтган йилга нисбатан 50 фоизга ошган ва янги AI функциялари ушбу ўсишни янада жадаллаштириши кутилмоқда.
“Zamin”ни Telegram'да ўқинг!
