Хитойнинг Шенжоу 23 космик кемасини учириш 2026-йил 24-майга режалаштирилган. Кема Сзюсюан космодромидан Лонг Марч 2Ф (Чанчжен-2Ф) ракета-ташувчиси ёрдамида орбитага чиқарилади. Ушбу миссия таркибида илк бор гонконглик тайконавт Ли Сзяин иштирок этиши кутилмоқда. Бу ҳақда Ixbt.com хабар беради.
Экипаж бир қатор илмий тажрибаларни ўтказиш учун "Тянгун" миллий орбитал станциясига йўл олади. Кема мавжуд технологиялар асосида кўп томонлама технологик модернизациядан ўтказилди. Хусусан, қайтувчи капсуланинг асбоб-ускуналар тизими янгиланди ва инсон-машина интерфейси оптималлаштирилди.
Дастурчилар асбоблар панелини миниатюралаштириш ҳисобига фойдали юкларни жойлаштириш учун кўпроқ жой бўшатишга муваффақ бўлишди. Бундан ташқари, 3,5 соат ичида амалга ошириладиган тезкор яқинлашиш ва туташув тизими такомиллаштирилди, туташув механизмининг буфер тизими модернизация қилиниб, унинг мослашувчанлиги ва ишончлилиги оширилди.
Кема миссияни мослашувчан тарзда ўзгартиришни қўллаб-қувватлайди: у юк платформасига айлантирилиши мумкин ва бошқа станциялар билан фойдаланиш учун махсус интерфейсларга эга. Шунингдек, космонавтлар хавфсизлигини таъминлаш мақсадида иллюминаторлар мустаҳкамланди. Ҳозирда Сзюсюан космодромида барча тайёргарлик ишлари режа асосида давом этмоқда.
“Zamin”ни Telegram'да ўқинг!
