Япония аэрокосмик тадқиқотлар агентлиги (JAXA) ҲТВ-Х юк кемаси миссияси муваффақиятли якунланганини эълон қилди. Қурилма атмосферанинг зич қатламларига кириб, Тинч океанининг жанубий қисми узра ёниб кетди. Бу ҳақда Ixbt.com хабар беради.
Ушбу кема Халқаро космик станцияга (ХКС) ускуналар, озиқ-овқат ва илмий материалларни етказиб бериш учун мўлжалланган япон орбитал юк ташувчисининг янги авлоди ҳисобланади. ҲТВ-Х 300 дан 500 км гача бўлган орбиталарга тахминан 4 тонна юк ташиш имкониятига эга.
Қурилма 2025-йил октабр ойида Танегашима космодромидан янги русумдаги Ҳ3 оғир ракетаси ёрдамида коинотга учирилган эди. Бу JAXA учун янги технологияларни синовдан ўтказишда муҳим қадам бўлди.
2026-йил март ойида ХКСдан ажралганидан сўнг, кема орбитада автоном режимда ишлашни давом эттирди. У кичик сунъий йўлдошларни учириш ва бир қатор илмий тажрибаларда иштирок этиб, ўзининг кўп функциялилигини исботлади.
“Zamin”ни Telegram'да ўқинг!
