Reddit фойдаланувчиси идгаф88__ ўзининг Samsung Galaxy S25 ФE смартфони тунда қувват олаётган вақтда портлаб кетгани ҳақида хабар берди. Қурилма оригинал кабел ва 20 ваттли USB-ПД адаптери ёрдамида қувватланаётган бўлган. Смартфон эгаси ва унинг ўғли ёнидаги матрас устида ётган, бироқ ёстиқ остида бўлмаган. Фойдаланувчининг сўзларига кўра, у тунда қаттиқ қарсиллаган овоздан уйғониб кетган, шундан сўнг смартфондан металл ва пластик парчалари сачраб, хонани тутун қоплаган. Бу ҳақда Ixbt.com хабар беради.
Воқеа жойига етиб келган ўт ўчирувчилар ёнғинни бартараф этишган. Қурилма эгаси бўйнидан енгил куйиш жароҳати олганини, унинг ўғли эса қаттиқ қўрқиб кетганини маълум қилди. Шунингдек, уй жиҳозларига зарар етган ва хонада узоқ вақт давомида куйинди ҳиди сақланиб қолган. Смартфон олти ой аввал Канадада янги ҳолатда сотиб олинган ва чарм ғилофда бўлган. Ҳозирда Samsung қўллаб-қувватлаш хизмати мурожаатни рўйхатга олган, бироқ компания ҳали расмий жавоб бермади.
Бу Samsung флагманлари билан боғлиқ сўнгги вақтлардаги учинчи йирик ҳодисадир. Аввалроқ Galaxy S25 Plus қувватлаш вақтида, Galaxy S24 эса оддий фойдаланиш жараёнида портлаб кетгани ҳақида хабарлар тарқалган эди. Galaxy S24 билан боғлиқ ҳолат атиги икки ҳафта олдин юз берган бўлиб, бу фойдаланувчилар орасида хавотирларни кучайтирмоқда.
Ушбу воқеалар 2016-йилдаги Samsung Galaxy Ноте7 билан боғлиқ йирик муваффақиятсизликни ёдга солмоқда. Ўшанда аккумулятор конструкциясидаги хатоликлар туфайли миллионлаб қурилмалар қайтариб олинган ва моделни самолётларда олиб юриш тақиқланган эди. Ўша можародан сўнг компания текширув тизимини қатъийлаштирган бўлса-да, сўнгги ҳодисалар флагман қурилмаларнинг хавфсизлиги борасида яна саволлар туғдирмоқда.
“Zamin”ни Telegram'да ўқинг!
