Бох булутли платформаси раҳбари Аарон Левие технология олами етакчилари орасида «сунъий интеллект психози» тарқалаётганини маълум қилди. Унинг сўзларига кўра, кўплаб топ-менежерлар СИ тизимларининг реал имкониятларини ҳаддан ташқари юқори баҳолаб, меҳнатни автоматлаштириш борасида шошилинч хулосалар чиқармоқда. Левие раҳбарлар технологиянинг фақат демо-версияларини кўриб, агентлар инсон иштирокисиз мураккаб жараёнларни бажара олади деб ўйлашини таъкидлади. Бу ҳақда Ixbt.com хабар беради.
Аслида эса, раҳбарлар кундалик амалий иш жараёнларидан узоқлашиб қолган. Улар кодлардаги хатоларни қидиришмайди, моделларнинг «галлюцинациялари» — СИ томонидан ўйлаб топилган маълумотлар ва ҳаволаларни текширишмайди. Левие СИга қарши эмас, у ҳатто ушбу соҳага фаол инвестиция киритади, бироқ у раҳбарларни фақат тақдимотларга ишонмасдан, технологиянинг чекловларини ҳам чуқур тушунишга чақирмоқда.
Вазият IT-секторидаги оммавий қисқартиришлар фонида янада кескинлашмоқда. Layoffs.fyi маълумотларига кўра, 2026-йилнинг дастлабки беш ойида 115 мингдан ортиқ ходим ишидан айрилган. Масалан, КликкУп сервиси 3000 та СИ-агентини жорий қилгач, ходимларининг 22 фоизини бўшатган. Компания раҳбари Зеб Эванс буни харажатларни камайтириш эмас, балки ходимлар фақат СИ натижаларини текширадиган янги турдаги ташкилот яратиш деб атади.
Бироқ илмий тадқиқотлар бундай кескин самарадорликни ҳали тасдиқламаяпти. Калифорниа Манагемент Ревиев ва АҚШ Миллий иқтисодий тадқиқотлар бюроси (НБEР) ўтказган таҳлиллар СИ жорий этилиши ва умумий унумдорлик ўртасида барқарор боғлиқликни аниқламади. МIT олимларининг хулосасига кўра, фақат 2029-йилга бориб йирик тил моделлари матнли вазифаларни инсон даражасида бажара олиши мумкин, аммо тўлиқ устунликка эришиш учун яна бир неча йил керак бўлади.
“Zamin”ни Telegram'да ўқинг!
