Ростех давлат корпорацияси робототехника ва саноат ускуналари учун мўлжалланган янги маҳаллий процессор модулини намойиш этди. Э2К3-КОМ деб номланган ушбу платформа расман Россия маҳсулоти мақомини олди ва у асосан автоматлаштириш ҳамда борт тизимларига йўналтирилган. Бу ҳақда Ixbt.com хабар беради.
“Росел” холдинги маълумотларига кўра, ушбу қурилма саноат автоматизацияси, алоқа ускуналари ва муҳандислик ечимларида қўлланилиши мумкин бўлган бир платалı саноат компьютеридир. Тизимнинг асоси сифатида Россиянинг Элбрус-2С3 процессори танланган.
Модулнинг ўзига хослиги шундаки, битта платада ҳисоблаш ядроси, периферик интерфейс контроллерлари, видеоконтроллер ва тезкор хотира бирлаштирилган. Ўрнатилган график ядро тизимни маълумотларни визуаллаштириш, саноат панеллари ва бошқарув мажмуаларида самарали қўллаш имконини беради.
Ишлаб чиқарувчининг таъкидлашича, процессор, хотира ва қувват тизимининг мувозанатли архитектураси барқарор ишлаш ва энергия самарадорлигини таъминлайди. Қурилма маҳаллий операцион тизимда ишлаши сабабли, уни ўта муҳим инфратузилма ва саноат лойиҳаларида хавфсиз ишлатиш мумкин.
“Zamin”ни Telegram'да ўқинг!
