Таниқли инсайдер Соннй Дикксон бир неча кун аввалги сиздирилган маълумотлардан сўнг, iPhone 18 Pro макетларининг янги суратларини эълон қилди. Тасвирларда қурилманинг тўрт хил рангдаги варианти акс этган: кумушранг, қора, мовий ва янги тўқ гилос рангидаги Дарк Черрй. Айнан мана шу ранг янги авлоднинг асосий бренд ранги бўлиши айтилмоқда. Бу ҳақда Ixbt.com хабар беради.
Манбанинг таъкидлашича, Дарк Черрй варианти iPhone 17 Pro линиясидаги тўқ сариқ ранг ўрнини эгаллайди. Шунингдек, Apple мухлислари учун яна бир қувончли хабар — классик қора рангнинг қайтишидир. Ушбу суратлар қурилмаларнинг 2026-йил сентябрь ойида кутилаётган расмий тақдимотидан деярли бир ярим йил олдин пайдо бўлди.
Сиздирилган маълумотларга кўра, iPhone 18 Pro ва iPhone 18 Pro Max моделлари бутун алюминий қотишмасидан ишланган корпус ҳамда камералар соҳасида янгиланган Серамик Шиелд ҳимоя ойнасига эга бўлади. Шунингдек, смартфонлар йирикроқ фотомодул туфайли бироз қалинлашиши кутилмоқда. Хусусан, iPhone 18 Pro Max қалинлиги камера блоки билан бирга 13,77 мм га етиши мумкин.
Янги смартфонлар TSMC томонидан ишлаб чиқарилган биринчи 2 нанометрли А20 Pro чипи билан жиҳозланиши кутилмоқда. Маълумот ўрнида, Соннй Дикксон аввалроқ iPhone 12, iPhone 13, Apple Ҳомепод ва iPhone 15 каби қурилмаларнинг дизайнини улар тақдим этилишидан анча олдин аниқ башорат қилган эди.
“Zamin”ни Telegram'да ўқинг!
