Россия суверен сунъий интеллектни ривожлантираётган учта давлатдан бири

Россия суверен сунъий интеллект технологияларини фаол ривожлантираётган дунёдаги учта етакчи давлатдан бири ҳисобланади. Бу ҳақда мамлакат президенти Владимир Путин Қозоғистонга амалга оширган ташрифи якунлари бўйича маълум қилди. Бу ҳақда Ixbt.com хабар беради.

Давлат раҳбарининг таъкидлашича, ушбу воситалар бугунги кунда саноат, фан ва таълим соҳаларида кенг қўлланилмоқда. Мазкур йўналишда миллий суверенитетни сақлаб қолиш стратегик аҳамиятга эга эканлиги алоҳида қайд этилди.

Путин Россиянинг ўз суверен сунъий интеллектини яратиш учун барча имкониятларга эга эканлигини айтди. Унинг сўзларига кўра, муваффақиятга эришиш учун мамлакат ўзининг хусусий формулалари ва маълумотлар базаларига эга бўлиши шарт.

Шунингдек, ушбу технологияни ривожлантириш самарадорлигини ошириш мақсадида ЕОИИ доирасидаги ҳамкорлар билан кучларни бирлаштириш таклиф этилди. Бу каби интеграция ишланмаларнинг глобал миқёсда рақобатбардошлигини таъминлашга хизмат қилади.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг