Компутех 2026 кўргазмасининг расмий очилиши арафасида йилнинг энг шов-шувли маълумотларидан бири сиздирилди. Шарқий Европадаги йирик ритейлерлардан бири Lenovo Ёга Pro 7 ноутбукининг мутлақо янги версиясини муддатидан аввал эълон қилиб юборди. Қурилманинг асосий ўзига хослиги — NVIDIA ва MediaTek ҳамкорлигида ишлаб чиқилган NVIDIA Н1Х аппарат платформасидир. Бу ҳақда Ixbt.com хабар беради.
Ушбу сиздирилган маълумотлар NVIDIA ва Microsoft компанияларининг «шахсий компьютерларнинг янги даври» ҳақидаги анонсларини тасдиқлайди. Агар аввалроқ Ёга Pro 7 модели фақат Intel ва AMD процессорлари билан чиқарилган бўлса, эндиликда унинг Арм архитектурасига асосланган версияси ҳам тақдим этилади. Янги ноутбук 15,3 дюймли, 165 Гс частотали ВҚХГА ОЛEД сенсорли экрани, 32-64 GB тезкор хотира ва 1 TB ССД билан жиҳозланади.
Маълумотларга кўра, NVIDIA Н1 ва Н1Х чиплари TSMC томонидан 3 нанометрли технологик жараён асосида ишлаб чиқарилади. СоК ўз ичига 20 ядроли CPU ва 6144 та КУДА ядросига эга Blackwell авлодидаги GPU'ни олади. График қувват жиҳатидан у GeForce RTX 5070 даражасига тенг бўлиши кутилмоқда. Windows 11 Ҳоме тизимида ишловчи ушбу ноутбукнинг нархи эса анча юқори — тахминан 4000 евро атрофида баҳоланмоқда.
Lenovo ушбу платформадан фойдаланадиган ягона ишлаб чиқарувчи бўлмайди. Келаси ҳафтада Асус ҳам NVIDIA Н1/Н1Х базасидаги ўз қурилмаларини намойиш этиши кутилмоқда. Янги платформа нафақат юқори унумдорлик, балки сунъий интеллект вазифаларини бажаришда ҳам инқилобий имкониятларни вада қилмоқда.
“Zamin”ни Telegram'да ўқинг!
