Фото: New Atlas
Калифорния университети олимлари бир вақтнинг ўзида инсон танасидаги кимёвий, физик ва электрофизиологик сигналларни аниқлай оладиган почта маркасидек келадиган янги қурилмани яратди, деб хабар беради «Korrespondent.net».
«Мазкур қурилма — эластик полимерларнинг юпқа қавати бўлиб, у терига қотирилади. Унинг ичига қон босими датчиги, тердаги сут кислотаси, кофеин ва алкоголь даражасини аниқлай оладиган кимёвий сенсор, тўқималар суюқлигидаги қанд миқдорини ўлчайдиган датчик ўрнатилган. Қурилма ташқи қувват манбайига уланади», — дейилади қурилма изоҳида.
Маълум қилинишича, қон босими датчиги ультратовуш сигналларни тана тўқималари орқали юборади ва артерияда ҳосил бўлган акс-садони сенсорлар сезиб, уни қурилмадаги кўрсаткичларга айлантиради. Кимёвий датчик терига тер орқали кириб борадиган дори воситаларини сепади ва шу орқали ушбу воситалар даражасини ўлчайди. Глюкоза датчиги худди шу мақсадда тўқималар суюқлигига кучсиз электр токини йўналтиради. Ушбу датчикларнинг барчаси бир-бирига халақит қилмаслиги учун тартиб билан полимер пластирга жойлаштирилган.
«Мазкур ихтиро гипертония ёки диабет билан оғриган инсонларга, шунингдек, доимий беморлар ҳаётининг муҳим кўрсаткичларини мониторинг қилиш керак бўладиган интенсив терапия палаталарига ёрдам бериши мумкин», — дейди олимлар.
Шунингдек, маълум қилинишича, ҳозирда мутахассислар қурилманинг янада кўпроқ датчикларга эга янги версияси устида иш бошлаган бўлиб, уни симсиз қурилмага айлантиришга умид қилмоқда. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Ўзбекистонда зилзилага тайёргарлик кучайтирилади
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
Сирдарёда бюджетга жуда кўп миқдорда зарар етказган майнинг ферма аниқланди
Қондаги шакар миқдорини тартибга солувчи фойдали мева номи айтилди